МУНИЦИПАЛЬНОЕ БЮДЖЕТНОЕ УЧРЕЖДЕНИЕ "БЯРИЙИНСКИЙ КУЛЬТУРНЫЙ ЦЕНТР "АРЧЫ" УСТЬАЛДАНСКОГО УЛУСА (РАЙОНА) РЕСПУБЛИКИ САХА (ЯКУТИЯ)

Записи в рубрике Uncategorized

«Кулууп уота угуйар» 84-с төгүлүн сезону арыйар концерт.

Сэтинньи 27 күнүгэр, «Арчы» культуура киинигэр, сыл аайы буолар, 84-с төгүлүн үлэ сезонун арыйар концерт буолан ааста. Кэнсиэргэ культура үлэһиттэрэ, олохтоох ыччаттар, активистар кыттыыны ыллылар. Буола турар балаһыанньанан кэнсиэргэ QR кодунан киирии буолла. Үрдүкү таһымҥа кэнсиэр буолан ааста. Араас ылбаҕай ырыалар, көрдөөх сыанкалар, үҥкүүлэр үҥкүүлэннилэр.

Үрүҥ тунах ыһыаҕынан!

Күндү сахам дьонугар Үрүҥ Тунах, Уйгу быйан ыһыаҕынан итии-истиҥ эҕэрдэ! Өбүгэ саҕахтан илдьэ кэлбит төрүт үгэспит, уһун унньуктаах кыстык кэнниттэн сайа сүүрэр салгыннаах, чаҕылхай күннээх самаан сайыммыт барахсан салаллан кэлбитин уруйдаан-айхаллаан көрсөр, күүтүүлээх Ыһыахпыт күнэ үүммүтүнэн эҕэрдэбитин ыытабыт.

Кыайыы күнүн көрсө

Ыам ыйын 9 күнүгэр Улууканнаах Кыайыы күнүн көрсө, кыайыы  болуосстагыгар үөрүүлээх митинг буолла. эҕэрдэ тыллар, ырыалар, кыайыы салюта, Баһылык сэрии тыыл бэтэрээннэригэр бэлэхтэри туттарда. Сэрии сылын оҕолорун эҕэрдэлии культура үлэһиттэрэ Готовцева Анна Павловнаҕа уонна Васильева Мария Федоровнаҕа сылдьан эҕэрдэ ырыа ыллаан, сэмэй бэлэх туттардылар. 

1 май — Үлэ, Эйэ, Май!!!

Үлэ!Эйэ! Күөх Маай бырааһынньыгынан эҕэрдэ! Бастакы Сандаал саас бырааһынньыгынан итии-истиҥ эҕэрдэ буолуохтун күндү нэһилиэкпит олохтоохторо, куруутун үлэ, эйэ баар буоллун. Ураа, табаарыстар!

Булчут күнэ 04.04.2021с.

Бүгүн муус устар 4 күнүгэр аҕа уонна булчут күнүгэр аналлаах Бээрийэ нэһилиэгин эр дьонун истэригэр, түөлбэлэр икки ардыларыгар бэрт тыҥааһыннаах күрэх буолан ааста. Күрэх түмүгүнэн 1-кы миэстэни ылары ситистэ — «Сардаана» түөлбэ, 2-с миэстэни ылла «Cарыал» түөлбэ, 3-с миэстэни ылла «Сир симэҕэ» түөлбэ Кыттааччыларга өссө да элбэх ситиһиилэри баҕарабыт.

Саргылаах Саҥа Дьыл. 2021сыл

https://youtu.be/t2VfsSD1RjU Саргылаах саҥа 2021 сылы көрсө, Бээрийэ нэһилиэгин олохтоох дьаһалта баһылыга уонна тэрилтэ салайааччыларын эҕэрдэлэрэ, нэһилиэк активистарын уонна культуратын үлэһиттэрин холбоһуктаах эҕэрдэ кэнсиэрэ оффлайн видеоҕа уһуллан, нэһилиэнньэ уопсай көрүүтүгэр таҕыста. Кэлбит саҥа дьылы үөрэ-көтө, ыллыы-туойа көрсүөҕүҥ!

Улуу Кыайыы 75 сылын көрсө

Өрөгөйдөөх Улуу Кыайыы 75 сылынан ыам ыйын 9 күнүгэр митинг, кыайыы уотун уматыы уонна бырааһынньыктааҕы салют буолла. Нэһилиэк олохтоохторугар радиорепортаж, музыкальнай эҕэрдэлэр ыытылыннылар.

Ититии ситимэ

Бээрийэ нэһилиэгин олохтоохторо 100% кииннээммит ититии ситимигэр холбоммутун бэлиэтиир үөрүүлээх арыллыытын сиэрэ-туома буолан ааста.